Россиядаги футбол бўйича Жаҳон Чемпионатида Япония терма жамоасининг гуруҳдаги уч ўйини натижаларини башорат қилган улкан Рабьо саккизоёғи жамоанинг Бельгия билан ўйинидан олдин ўлдирилди. Бу ҳақда «ТАСС» хабар бермоқда.
Нашрга кўра, саккизоёқ бозорга олиб кетилган ва харидор учун тайёрлаб берилган. Жонивор нима сабабдан бундай «жазолангани»га аниқлик киритилмади.
Франциянинг «Пари Сен-Жермен» клуби ярим ҳимоячиси Адриан Рабьо шарафига аталган саккизоёқ Япониянинг Колумбия устидан ғалабаси, Сенегал билан дуранги ва Польшадан мағлубиятини башорат қилганидан сўнг танилганди.
У Япония — Бельгия ўйини якунини қандай башорат қилгани маълум эмас.
