Ўзбекистон футбол ассоциацияси 1-вице Президенти ва Марказий Осиё футбол ассоциацияси Президенти Умид Аҳмаджоновнинг ташаббуси билан жорий йилнинг 3-10 июль кунлари пойтахтимиз тарихда биринчи марта минтақа чемпионатига мезбонлик қилиши ҳақида аввал хабар бериб ўтгандик.
Ушбу мусобақада Ўзбекистон, Тожикистон, Афғонистон ва Қирғизистоннинг 16 ёшгача бўлган терма жамоалари иштирок этишади.
Айни пайтда Афғонистон ва Тожикистон терма жамоалари пойтахтимизга етиб келишди. Уларни Тошкент аэропортида ЎФА мутасаддилари ва мухлислар кутиб олишди. Футболчилар ўзларига ажратилган меҳмонхоналарга жойлашишди.
“CAFA U-16 championship” мусобақасидан ўрин олган учрашувлар пойтахтимиздаги "Миллий" ва "Локомотив" стадионларида бўлиб ўтади.
Турнирнинг тақвими билан яна бир бор таништириб ўтамиз:
05.07.2018 17:00 Афғонистон – Ўзбекистон (“Миллий” стадиони)
05.07.2018 20:00 Қирғизистон – Тожикистон (“Миллий” стадиони)
07.07.2018 17:00 Ўзбекистон – Қирғизистон (“Миллий” стадиони)
07.07.2018 20:00 Тожикистон – Афғонистон (“Миллий” стадиони)
09.07.2018 16:45 Тожикистон – Ўзбекистон (“Локомотив” стадиони)
09.07.2018 20:30 Афғонистон - Қирғизистон (“Локомотив” стадиони)