“Ювентус” раҳбарияти тезроқ “Реал” ҳужумчиси Криштиану Роналду билан шартнома имзоламоқчи.
Пайшанба куни “Ювентус” президенти Андреа Аньелли, бош директор Жузеппе Маротта, спорт директори Фабио Паратичи ва жамоа мураббийи Массимилиано Аллегри айнан шу масалани ҳал қилиш учун йиғилиш уйиштиришди.
Учрашувда, Роналду сотиб олиш учун қатъий чоралар кўрилиши, у жамоа учун қанчалик муҳимлиги ҳақида сўз борди.
Мазкур йиғилишдан сўнг Маротта ва Паратичи “Реал” билан музокара олиб бориш учун тезда Мадридга учиб кетишди. Бу ҳақда SportMediaset нашри хабар тарқатди.
Нашриётнинг хабарига кўра, “Ювентус” раҳбарияти яқин соатлар ичида музокараларни ҳал қилиб Роналдуни расман 7 июль куни оммага эълон қилишмоқчи.
