"Реал" ўз ҳужумчиси Криштиану Роналдуни 100 млн евро эвазига "Ювентус"га сотишга рози бўлди, бир шарт биланки, клубни тарк этиши ҳақида футболчининг ўзи расман эълон қилиши керак, дея хабар беради Marca ва Cadena Cope нашрлари.
Таъкидланишича, португалиялик футболчининг туринликлар сафига ўтишига қишдаёқ оғзаки ҳал қилинган. Шунинг учун охирги сўз мадридликлар президенти Флорентино Пересда қолган.
Аммо "Реал" раҳбарияти ҳам футболчининг кетишидаги маъсулиятни ўзидан соқит қилмоқчи. Бу дегани Роналду матбуот анжумани ташкил қилиб, клубдан кетиши ҳақида расман эълон қилиши керак.
