Кеча, 8 июль куни Қорақолпоғистон Республикасида рўй берган нохуш воқеа бизни ларзага келтирди. Ёш журналист, блогер, «Kruz.uz» сайти асосчиси Фурқатбек Юсупов бахтсиз ҳодиса қурбони бўлди.
Маълумотларга кўра, Ф.Юсупов қаҳрамонлик кўрсатган. Айтишларича, у бир кишининг чангалига тушиб қолган қизни қутқараман деб, сувга тушиб кетган. Орадан вақт ўтиб, унинг жасадини топишган.
Маълумот учун, Ф.Юсупов 1992 йил 11 декабрь куни таваллуд топган. Қорақалпоқ давлат университетини битирган.
Иқтидорли, шижоатли, потенциали юқори бўлган бу йигит 2015-2016 йиллар давомида Stadion.uz билан ҳамкорлик қилган ва сайтнинг ривожига ўз ҳиссасини қўшган. У биз учун қадрдон дўст, қадрли инсон эди.
Stadion.uz веб-сайти таҳририяти марҳумнинг оила аъзолари ва яқинларига чуқур ҳамдардлигини изҳор қилади.
