Kecha, 8 iyul kuni Qoraqolpog‘iston Respublikasida ro‘y bergan noxush voqea bizni larzaga keltirdi. Yosh jurnalist, bloger, «Kruz.uz» sayti asoschisi Furqatbek Yusupov baxtsiz hodisa qurboni bo‘ldi.
Ma’lumotlarga ko‘ra, F.YUsupov qahramonlik ko‘rsatgan. Aytishlaricha, u bir kishining changaliga tushib qolgan qizni qutqaraman deb, suvga tushib ketgan. Oradan vaqt o‘tib, uning jasadini topishgan.
Ma’lumot uchun, F.YUsupov 1992 yil 11 dekabr kuni tavallud topgan. Qoraqalpoq davlat universitetini bitirgan.
Iqtidorli, shijoatli, potensiali yuqori bo‘lgan bu yigit 2015-2016 yillar davomida Stadion.uz bilan hamkorlik qilgan va saytning rivojiga o‘z hissasini qo‘shgan. U biz uchun qadrdon do‘st, qadrli inson edi.
Stadion.uz veb-sayti tahririyati marhumning oila a’zolari va yaqinlariga chuqur hamdardligini izhor qiladi.
