Англия терма жамоаси яримҳимоячиси Эшли Янг ЖЧ-2018 яримфиналида Хорватияга қарши ўйин олдидан фикрлари билан ўртоқлашди.
"Хорватлар икки марта 120 дақиқалик ўйин ўтказдилар, бу бизга устунлик бериши мумкин. Бу ўйинга аввалги ўйинларга тайёргарлик кўрганимиз сингари тайёрланмоқдамиз.
Ўзимизга ишонмоқдамиз, қийин ўйинларда ғалаба қозона олишимизни ҳис қилдик, яримфиналда ҳам буни давом этирмоқчимиз.
Хорватларда ажойиб жамоа бор, Лука Модрич - қойилмақом ўйинчи. Аммо рақибнинг алоҳида бир ўйинчисига диққат қаратмаймиз.
Ғалаба қозонсак, бу кун чиройли бўлади. Шу кунларда ҳам жамоамиз Россияда бўлиб турганидан хурсандман", - дейди Янг.
