Тошкент шаҳрида оғир атлетика бўйича ёшлар ўртасидаги жаҳон чемпионати давом этмоқда.
Мусобақа ўзининг қизғин палласига кириб улгурди. Бугун чемпионат доирасида аёллар ўртасида -63кг, эркаклар ўртасида эса -77кг вазнли спортчилар совринли ўринлар учун кураш олиб борадилар. Аёллар ўртасида Кумушхон Файзуллаева супачага чиқса, эркаклар ўртасидаги баҳсларда Ғайрат Айтмуратов юртимиз шарафини ҳимоя қиладилар. Вакилларимиз «А» гуруҳида кураш олиб борадилар. Аёллар ўртасидаги беллашувлар 16:30да старт олади. Йигитлар эса 19:00да ўз иштирокларини бошлайдилар.
Эслатиб ўтамиз, мусобақада -62 кг вазн тоифасида баҳсларда иштирок этаётган Адҳамжон Эргашев ҳар уччала йўналишда (даст кўтариш, силтаб кўтариш ва умумий натижа) олтин медалга сазовор бўлган. Биз бугунги беллашувларда қатнашадиган спортчиларимиздан ҳам муваффақиятли иштирокни кутиб қоламиз.
