“Реал” ярим ҳимоячиси Гарет Бэйл келажаги ҳақида ҳали бир қарорга келмади. Эски мавсум тугаши билан Бэйлнинг агенти Англия клубларидан таклифлар қабул қилишни бошлаганди ва бу борасида раҳбарият билан учрашганди.
Зинедин Зиданининг жамоадан кетиши ва ҳар хил тадбирлар ушбу жараённи тўхтатиб қўйди.
Криштиану Роналду “Ювентус”га ўтганидан сўнг, Бэйлнинг вакиллари раҳбарият билан ташкил қилган учрашувни бекор қилишди.
Бэйл бош мураббий Хулен Лопетеги билан учрашиб келажаги ҳақида суҳбат қурмоқчи. 28 ёшли футболчи Лопетегидан келажагда жамоадаги ўрни ҳақида билиб олмоқчи. Бэйлнинг мақсади “Реал”да қолиш, лекин иккинчи рольда эмас.
