Хорватия терма жамоаси ярим ҳимомячиси Лука Модрич Францияга қарши ўйиндан сўнг фикрларини билдириб ўтди.
“Мусобақанинг энг яхши футболчиси бўлганим кайфиятимни оз бўлсада кўтардими? Йўқ, албатта Бутун Хорватия мақсадига етолмади. Жамоамга бироз омад етишмади. Биз яхши ўйин намойиш қилдик. Лекин, яхши ўйнаган жамоалар ҳар сафар ҳам ғалаба қозонавермайди.
Иккинчи гол ўйинда бурилиш ясади. Ҳакам видео такрорларга (VAR)га мурожаат қилгани борганида ҳайрон бўлдик. Умуман ҳакамни чиқарган қарорларидан ҳайрон қолдик. Биринчи гол олдидан белгиланган жарима зарбасида қоида бузарлик бўлмаганди. Биз яна ўйинга қайтдик. Бироқ, ҳакам пенальти белгилади. Бундай воқеалар жамоани руҳини синдиради. Ҳар доим ҳам”камбэк”ларни амалга ошириб бўлмайди”, - дейди Модрич.
