"Манчестер Юнайтед" ҳужумчиси Алексис Санчес жамоанинг АҚШ бўйлаб турнесига борадиган бўлди.
Чилилик футболчи яқин вақтлар ичида жамоа сафига қўшилади, дея хабар беради клуб расмий сайти.
"Алексис Санчес борасида яхши хабарлар бор. Чилилик футболчига АҚШ сафари учун яшил чироқ ёнди", - дейилади хабарда.
Аввалроқ, Санчесга америка визаси берилмаган эди. Тахминларга кўра, футболчининг Испания солиқ идоралари билан муаммоси бўлган. У испан солиқчиларидан 1 млн евро қарздор.
"Манчестер Юнайтед" АҚШдаги биринчи ўйинини 20 июль куни мексиканинг "Америка" клубига қарши ўтказади.
