«Ювентус» ҳужумчиси Криштиану Роналду «Реал»нинг янги аъзоси Винисиус Жуниорни қўллаб-қувватлашини билдирди. У 18 ёшли футболчини «Бразилия футболининг умиди» дея таърифлади.

«Винисиус – катта истеъдод соҳиби, профессионал. У –бразилия футболининг умиди. Винисиус, сен буюк клуб сафига ўтдинг. У ерда менинг энг бахтли дамларим ўтган. Ўйинларим орқали фаолиятимдаги энг муҳим натижаларга айнан у ерда эришганман.

Аввалига осон бўлмаслиги мумкин, лекин сен учун «Реал»дан яхшироқ жой йўқ. Барча футболчилар «Реал» футболкасини кийишни орзу қилишади. Мана, ҳозир сенда орзуларинг рўёби учун қурбонлик қилишга тайёрлигингни исботлаш имконияти бор», - деган Роналдунинг сўзларини келтириб ўтди Sky Sports.

Эслатиб ўтамиз, Винисиус Жуниорнинг трансфери «Реал»га 45 миллион еврога тушди.