Хорватия терма жамоаси бош мураббийи Златко Далич ўз ишининг нархи қиммат эканлиги ва Осиё терма жамоаларидан бўлаётган таклиф ҳақида гапирди.

Эслатиб ўтамиз, ХорватияЖЧ финалида Францияга2:4 ҳисобида имкониятни бой бериб, кумуш медал соҳибига айланганди.

“Яна икки йиллик шартномам бор ва бу муддатда мен қолишни истасам қоламан. Баҳорда АҚШга бўладиган турнедан сўнг кетиш ёки бошқа таклифлар ҳақида ўйлаб кўришим мумкин.

Осиё жамоалари бир йиллик ишим учун менга 5 миллион доллар маош таклиф қилишди? Сизга ёқадими ёки йўқ, лекин мен дунёда иккинчи ўриндаги мураббийман. Ва 5 миллион бундай мураббий учун жуда ҳам кам. Пул ҳамма учун керак ва муҳим буюм ҳисобланади. Агар пул бўлмаса сизда мотивация ҳам ўлади”, – дейди Далич.

Эслатиб ўтамиз, аввалроқ ОАВда Ўзбекистон терма жамоаси Златко Далич номзодини кўриб чиқаётгани ҳақида хабарлар тарқалганди.