Xorvatiya terma jamoasi bosh murabbiyi Zlatko Dalich o‘z ishining narxi qimmat ekanligi va Osiyo terma jamoalaridan bo‘layotgan taklif haqida gapirdi.

Eslatib o‘tamiz, XorvatiyaJCH finalida Fransiyaga2:4 hisobida imkoniyatni boy berib, kumush medal sohibiga aylangandi.

“Yana ikki yillik shartnomam bor va bu muddatda men qolishni istasam qolaman. Bahorda AQSHga bo‘ladigan turnedan so‘ng ketish yoki boshqa takliflar haqida o‘ylab ko‘rishim mumkin.

Osiyo jamoalari bir yillik ishim uchun menga 5 million dollar maosh taklif qilishdi? Sizga yoqadimi yoki yo‘q, lekin men dunyoda ikkinchi o‘rindagi murabbiyman. Va 5 million bunday murabbiy uchun juda ham kam. Pul hamma uchun kerak va muhim buyum hisoblanadi. Agar pul bo‘lmasa sizda motivasiya ham o‘ladi”, – deydi Dalich.

Eslatib o‘tamiz, avvalroq OAVda O‘zbekiston terma jamoasi Zlatko Dalich nomzodini ko‘rib chiqayotgani haqida xabarlar tarqalgandi.