Pepsi  Суперлига 19 -тур доирасида “Сўғдиёна”  сафарда “Қўқон-1912” жамоасига қарши баҳс олиб боради. Эътиборингизга жамоаларнинг Қўқондаги бўлиб ўтган учрашувлар тарихини ҳавола этамиз.

УШБУ  МАВСУМДА

Биринчи давра 8-турида “Сўғдиёна” ўз майдонида “Қўқон-1912” жамоасини қабул қилган эди. Ўйиннинг 5 дақиқасида Мурод Холмухаммедов пенальтидан ҳисобни очган бўлса,Сардор Азимов 57 дақиқада ҳисобни тенглаштиришга муваффақ бўлган.

ЎЙИНИ  АҲРОЛ РИСҚУЛЛАЕВ  БОШҚАРАДИ 

“Қўқон-1912”-“Сўғдиёна” ўйинини Аҳрол Рисқуллаев  бошчилигидаги ҳакамлар бригадаси бошқариб боради. Унга қанотларда Дониёр Сайлалов  ва Ришат Нуғмоновлар ёрдам беради. Заҳирадаги ҳакам Фаррух Янсупов

Назоратчи: Игорь Нехочин

Комиссар: Роман Черников

ЎЗАРО УСТУНЛИК

“Қўқон-1912” ҳамда “Сўғдиёна”  клублари олий лигада шу кунгача  23  бор куч синашишган.“Сўғдиёна” ҳисобида 11 та, “Қўқон-1912” ҳисобида 7  та ғалаба мавжуд. 5 та ўйинда  дуранг натижа қайд этилган. Тўплар нисбатида устунлик  жиззахликлар томонида:  28:38  . “Сўғдиёна”  ўзаро ўйинларда 38 очкони қўлга киритган бўлса,  “Қўқон-1912”  26  очкони қўлга қиритган.

 “Қўқон-1912” майдонида ўтган сўнгги 5 та учрашув :

 20.06.2017 «Қўқон-1912» – «Сўғдиёна» 3:2
16.06.2016 «Қўқон-1912» – «Сўғдиёна» 1:2
05.11.2015 «Қўқон-1912» – «Сўғдиёна» 1:3

11.05.2002 «Қўқон-1912» – «Сўғдиёна» 1:0
12.09.2000 «Қўқон-1912» – «Сўғдиёна» 3:1

Ўзаро ўйинлар ҳақида факт: Қўқондаги 11 та ўйиндан 2 тасида “Сўғдиёна”, 7 тасида “Қўқон-1912” ғалаба қозонган. 2 та  учрашув дуранг натижа билан якунланган.

ЎЙИН ВАҚТИ ВА ЖОЙИ:

Ёшлар лигаси баҳси 28 июль куни соат 17:30 да Уч кўприк “Марказий” қароргоҳида бўлиб ўтади. Асосий таркиб баҳси 29 июль куни соат 19:00 да  Қўқон “Марказий” стадионида бўлиб ўтади.
«Сўғдиёна» ПФК матбуот хизмати