"Барселона" ҳимоячиси Йерри Мина ўтган мавсумда ўйин амалиёти йўқлиги туфайлии ўзини ёмон ҳис қилганини гапириб берди.

"Мен ёмон нарсалар ҳақида ўйлардим. Ҳаммас тугади деб ўйлагандим. Ўзимни шунчалар ёмон ҳис қилдимки, Коутиньо ва Паулиньо менга далда бердилар. Улар ҳаммаси яхши бўлиб кетишини айтдилар.

Албатта, менинг позициямда кучли футболчилар бор эди, аммо мен ҳаммада яхши таассурот қолдириш учун ҳеч бўлмаса бир дақиқа олишни истапдим, аммо бу содир бўлмасди.

Барибир, олган бир неча дақиқаларим ёмон чиқди. Ҳеч қайси ҳаракатларим ўхшамади. Ҳаммаси ўхшамади. Машғулотда ҳатто яхши узатма ҳам бера олмадим.

Жамоага келган вақтимда, яхши муҳит яратиш учун Месси ва Суарес бмлан баҳс бойлашдим: машғулотларда жарима тўпини ким яхшироқ тепиши борасида. Аммо ҳар куни 50 евродан йўқотардим.

Олдимда нималар кутиб турибди, амо мен хотиржамман. 23 ёшдаман ва яна узоқ муддат футбол ўйнайман", - дейди Мина.