"Барселона" бош мураббийи рнесто Вальверде International Champions Cup турнири доирасида "Рома"дан учралган мағлубиятдан сўнг (2:4) фикрларини билдирди.
"Ўйин охирини ҳисобга олмаганда, яхши ўйнадик. 75 дақиқани яхши ўтказдик ва ўзимиз хоҳлаганча устунлик қилдик.
Ёшлар майдонга тушганларида ҳам устунлик қилган дақиқалар бўлди, аммо кейин ўйинни бериб қўйдик. Бу тушунарли, ахир майдонда ёшлар ўйнаганди.
Бу дарс-сабоқ, ахир бу ерга ўйинчиларни кўздан кечиргани келганмиз. Ҳаммамиз ғалаба қозонишни истаймиз, аммо умуман олганда яхши ўйнадик.
Малком ўйинни яхши ўқийди, у кучли ўйинчи. Унда тезлик бор ва узоқдан зарба бера олади, бу биз учун жуда яхши. Ундан мамнунмиз, у бизга фойда келтиради", - дейди Вальверде.
