"Манчестер Сити" бош мураббийи Хосеп Гвардиола янги мавсумда ўз натижаларини яхшиламоқчи эканини айтди.
Клуб ўтган йили АПЛнинг янги рекордини ўрнатган эди - 100 очко.
"Мендан 100 очкодан ҳам кўпроқ очко йиғиш мумкинми, дея сўрайдилар. Мен йўқ, дейман, бизнинг мақсадимиз бу эмас. Аммо ўйинчилар янада кучайишлари ва яхшироқ ўйнашлари мумкин. Албатта, биз ўйинимизни янада яхшилашимиз мумкин. Бунга ишонмаганимда, раҳбариятга "кетаман" деган бўлар эдим.
АПЛда янада кўпроқ устунлик қила олишимизга ишонаман. Бу содир бўладими? Билмайман, аммо бунга кучимиз етишини биламан", - дейди Гвардиола.
