“Реал” ярим ҳимоячиси Матео Ковачич “қироллик клуби” мухлислари билан ижтимоий тармоқдаги саҳифасида хайрлашди.
“Уч йилда совринларни ютдим ва олдинга қадам ташлашни афзал деб билдим. Йўлларимиз шу ерда узилган бўлса-да, мен “Реал”даги оиламга раҳмат айтмоқчиман ҳамда ҳаётимда унутилмас бўлиб қолган мухлисларга миннатдорчилик билдираман. Бу вақтларни ҳеч қачон ёдимдан чиқармайман”, дея ёзади Ковачич.
Эслатиб ўтамиз, хорватиялик ярим ҳимоячи бир йил давомида “Челси”да фаолият олиб борадиган бўлди.
