Суперлиганинг 21-турида “Сўғдиёна” ўз майдонида АГМК жамоасини қабул қилди ва 1:3 ҳисобида мағлубиятга учради.
Ўйиндан сўнг мезбон жамоа бош мураббийи Сергей Лушчан ва жамоа сардори Санжар Рашидовлар матбуот анжуманида қатнашди.
- Бирор нарсага изоҳ беришим қийин. Жуда қийин ўйин ўтказдик. Барчадан узр сўрайман. Тўғрисини айтсам нималар бўлаётганини ўзим ҳам тушунмаяпман.
Рақиб 3 та вазиятга эга бўлди ва барчаси гол билан якунланди. АГМК ни ғалаба билан табриклайман. Ютуқ жамоаники,мағлубиятда эса доим мураббий айбдор бўлади. Ишлашда давом этамиз-дейди Сергей Лушчан
- Бугун ғалаба қозонишни жуда хохлагандик. Ўйинни ҳам ёмон бошламадик. Йўл қўйган хатоларимиз қимматга тушди. Мухлислардан узр сўраймиз- дейди Санжар Рашидов.
“Сўғдиёна” ПФК матбуот хизмати
