Суперлиганинг 21-туридан ўрин олган "Насаф" - "Бунёдкор" (1:4) учрашувидан сўнг "Бунёдкор" устози Миржалол Қосимов ўйин борасида ўз фикрларини билдириб ўтди.

"Қаршида "Насаф"га қарши доимо қизиқарли ўйин бўлади. Бу ўйинда ҳам кўплаб вазиятлар бўлди, голлар киритилди. Бизга омад кулиб боқди. Агар пенальтини дарвозабонз қайтара олмаганида ўйин қандай кечар эди, билмайман.

Мақсадимиз чиройли ўйин кўрсатиб, мухлисларни хурсанд этиш. Очкони кузда санаймиз, ғолибликка кучимиз  етади ва йигитларим бунга ҳақли.

"Насаф" ҳам ёмон ўйин кўрсатмади. Боя айтганимдек омад кўпроқ биз тарафда бўлди. Менимча, мураббий ҳеч қачон жамоадан 100 % қониқиш ҳосил қилмайди. Негаки, ўйин давомида барибир қандайдир хатолар учраб туради. 

"Бунёдкор" сақлаб қолиниши керак. Ўзбек футболи учун яхши футболчилар етиштириб бермоқда. Қолаверса, клуб академиясида мингга яқин болакайлар футбол сир-асрорларини ўрганишмоқда. Умид қиламанки, клубнинг умри узоқ бўлади", - деди Қосимов.