Миллий олимпия қўмитаси матбуот ва медиа департаменти «Шоҳсупа сари йўл» лойиҳасида Осиё ўйинларида иштирок этадиган спортчиларимиз билан қисқа интервьюлар ташкил этиб келмоқда.
Бугун Осиё ўйинларининг икки карра чемпиони, енгил атлетиканинг баландликка сакраш тури бўйича Ўзбекистон терма жамоаси аъзоси Светлана Радзивил саволларимизга жавоб қайтаради.
Спортга қай тарзда кириб келган?
Мактабимизга мураббий келган ва машғулотларга таклиф қилганди. Спорт тўгарагига қатнай бошладим. Бу менга жуда ёқиб қолди ва албатта ҳозир ҳам ёқади. 18 йилдан бери ўз севган ишим, яъни енгил атлетика билан шуғулланиб келаман.
Ортиқча вазн керак эмас
Тўғри овқатланиш қоидасига риоя қилишга ҳаракат қиламан. Вазн камайтириш учун бу борада бироз чекловлар бўлиши мумкин. Мен баландликка сакраш билан шуғулланганим сабабли ортиқча вазн умуман керак эмас.
Ҳавас қиладиган спортчиси
Ҳар бир спортчини ҳурмат қиламан. Чунки, катта спорт кўпчилик ўйлаганидек осон эмас.
Чемпионлик ҳақидаги фикри
Чемпион бўлиш осон эмас. Буни занжирга ўхшатаман. Унинг ҳар бир бўлаги 100 фоиз ишлаши лозим. Аммо, биз барчамиз тирик жонмиз. Баъзида ўйлаган режаларимиз амалга ошишига ҳалал берадиган омиллар бор. Аммо, мен ўз олдимга қўйган мақсадим сари интилаяпман. Айни пайтдаги энг асосий мақсадим Осиё ўйинларида чемпион бўлишдир.
