“Кьево” бош мураббийи Лоренцо Д’Анна “Ювентус”га қарши ўйин олдидан фикрларини билдириб ўтди.

“Ўзимизга ишонишимиз керак ва “Ювентус”га янги келган футболчиларнинг хатосидан унумли фойдаланиб олишимиз лозим.

Агар мағлубиятга учраймиз деб ўйнасак шунчаки уйда ёки пляжда қолган маъқул. Ўйин 0:0 ҳисобидан бошланади ва биз очиқ футбол кўрсатмоқчимиз.

“Ювентус”ни чарчашга мажбур қиламиз. Биз улар билан ҳақоний жангга киришамиз.

Агар биз бор эътиборимизни Роналдуни ёпишга қаратсак, унда ҳужум чизиғини қолган футболчиларини қўйиб юборишимиз мумкин. Биз Роналдуга қарши ҳеч қандай тактик тузоқлар ўйлаб ўтирмаймиз”, – дейди Д’Анна.

Маълумот учун, “Кьево” – “Ювентус” “А” серияни очиб беради. Мазкур учрашув 18 август 21.00 да бошланади.