“Kyevo” bosh murabbiyi Lorenso D’Anna “Yuventus”ga qarshi o‘yin oldidan fikrlarini bildirib o‘tdi.

“O‘zimizga ishonishimiz kerak va “Yuventus”ga yangi kelgan futbolchilarning xatosidan unumli foydalanib olishimiz lozim.

Agar mag‘lubiyatga uchraymiz deb o‘ynasak shunchaki uyda yoki plyajda qolgan ma’qul. O‘yin 0:0 hisobidan boshlanadi va biz ochiq futbol ko‘rsatmoqchimiz.

“Yuventus”ni charchashga majbur qilamiz. Biz ular bilan haqoniy jangga kirishamiz.

Agar biz bor e’tiborimizni Ronalduni yopishga qaratsak, unda hujum chizig‘ini qolgan futbolchilarini qo‘yib yuborishimiz mumkin. Biz Ronalduga qarshi hech qanday taktik tuzoqlar o‘ylab o‘tirmaymiz”, – deydi D’Anna.

Ma’lumot uchun, “Kyevo” – “Yuventus” “A” seriyani ochib beradi. Mazkur uchrashuv 18 avgust 21.00 da boshlanadi.