2017 йилнинг сўнгида Малайзия пойтахти Куала-Лумпурда Ўзбекистон футбол ассоциацияси 1-вице президенти Умид Аҳмаджонов Осиё Футбол Конфедерацияси президенти Шайх Салмон бин Иброҳим ал-Халифа билан расмий учрашув ўтказган эди.   Учрашувда мамлакатимизда футболни ривожлантиришга асосланган турли лойиҳалар бўйича ўзаро ҳамкорлик масалалари муҳокама қилинган ҳамда ОФК томонидан Ўзбекистонда болалар учун мўлжалланган сунъий қопламали мини-футбол майдончалари барпо этилиш учун маблағ ажратилишига келишилган эди.   Ушбу келишувга асосан Осиё футбол конфедерацияси томонидан бир қатор қурилиш компаниялари ўртасида махсус тендер ўтказилди. Тендерда спорт иншоотларини барпо қилиш бўйича катта тажрибага эга бўлган Италиянинг “Limonta Sport” компанияси ғолиб чиқди.   “Limonta Sport” компанияси мутахассислари юртимизга ташриф буюриб, Андижон ва Қўқон шаҳрида мини-футбол майдонларининг қурилиш ишларини бошлаб юборганлари ҳақида аввал хабар бериб ўтгандик. 

Бугунга келиб Андижон ва Қўқонда қурилиш ишлари якунланди. Шу йилнинг 25 август куни маҳаллий ҳокимият вакиллари ва ЎФА мутасаддилари иштирокида мини-футбол майдончаларининг очилиш маросими ўтказилади ва улар фойдаланишга топширилади. 

Мини футбол майдончалари жойлашган ҳудуднинг аввалги ҳолати:





Янги барпо этилган мини-футбол майдончалари