Осиё ўйинларининг 9-кунида ҳам старт берилди. Куннинг биринчи ярмида бир нечта спортчиларимиз ўз чиқишларини бошлаб юборишди.

Хусусан карате баҳсларида 68 кг вазн тоифасида аёллар ўртасида ўтказилган нимчорак финалда ҳамюртимиз Дилдор Аннадурдиева қозоғистонлик рақибаси Гўзалия Гафуровага 0:3 ҳисобида мағлуб бўлди.

Бундан ташқари 75 кг вазн тоифасида эркаклар ўртасида ўтказилган баҳслар ҳам биз учун омадли кечмади Достонбек Отаболаев илк курашида иорданиялик Алнажжар Башарга 1:4 ҳисобида бой берди.

Бугун шунингдек, 84 кг вазн тоифасида Шаҳбоз Аҳатов чорак финал йўлланмаси учун қирғизистонлик Гянали Аббасов билан курашга чиқади. Аёллар ўртасида 50 кг вазн тоифасида Баҳринисо Бабаева филиппинлик Жунна Цукки билан куч синашади.