Бугун, 29 август куни ўзбекистонлик боксчи Ҳасанбой Дўстматов Индонезияда бўлиб ўтаётган Осиё ўйинлари мусобақасида иккинчи жангини ўтказди.
49 кг вазн тоифасида рингга кўтарилган Ҳасанбой Дўстматов қирғизистонлик рақиби Мирлан Туркбай ўғлини 5:0 ҳисобида мағлуб этиб, ярим финалга йўлланма олди.
Бугун яна уч нафар ўзбек боксчилари чорак финалда ўз жангларини ўтказадилар:
12:30. 64 кг. Иқболжон Холдоров — Лим Хюн Сук (Жанубий Корея).
16:15. 56 кг. Миразизбек Мирзахалилов — Харкуу Энк-Амар (Мўғулистон).
17:15. 75 кг. Исроил Мадримов — Сайидшаҳин Мусавий (Эрон).
