Бугун Индонезияда давом этаётган Осиё ўйинлари мусобақасининг ўн учинчи кунида ўзбекистонлик боксчиларнинг барчаси ярим финал босқичида жанг ўтказяпти.
69 кг вазн тоифасида Ўзбекистон шарафини ҳимоя қилган Бобоусмон Ботуров ярим финал босқичида таиландлик рақиби Сайлом Ардега қарши жанг қилди ва 4:1 ҳисобида ғалаба қозониб, кетма-кет финалга йўлланма олган учинчи боксчига айланди.
Аввалроқ Жасурбек Латипов ва Шунқор Абдурасуловлар мусобақа финалига йўлланма олган эди.
Бугун яна ушбу боксчиларимиз жангларини ўтказадилар.
16:00. 49 кг. Ҳасанбой Дўстматов – Ву Жонглин (Хитой)
16:45. 56 кг. Миразизбек Мирзахалилов – Сунан Аморагам (Индонезия)
17:00. 64 кг. Иқболжон Холдоров – Дайсуке Нариматсу (Япония)
17:45. 75 кг. Исроил Мадримов – Фелих Марсьял (Филиппин).
