Бугун, 29 август куни ўзбекистонлик боксчилар Осиё ўйинлари-2018 мусобақасининг ярим финал босқичида жангларини ўтказмоқдалар. 

64 кг вазн тоифасида Ўзбекистон шарафини ҳимоя қилган Иқболжон Холдоров япониялик Дайсуке Нариматсу билан жанг ўтказди. Ушбу жангда Иқболжон 5:0 ҳисоби билан ғалаба қозониб, финалдаги жангини нақд қилди. 

56 кг вазн тоифасида ҳамюртимиз Миразизбек Мирзахалилов индонезиялик Сунан Аморагамга қарши қийин жанг ўтказиб, натижада 5:0 ҳисобида ғалабани қўлга киритди. 

Аввалроқ Жасурбек Латипов ва Шунқор Абдурасулов ва Бобоусмон Ботуров, Ҳасанбой Дўстматов ҳамда Миразиз Мирзаҳалиловлар мусобақа финалига йўлланма олган эди. 

Бугун яна 75 кг вазн тоифасида Исроил Мадримов филиппинлик Феликс Марсьял билан жанг қилади.