Франция чемпионати 4-тури “Ним” ва ПСЖ учрашуви ўз ниҳоясига етди. “Стад де Костьере” ўйингоҳида кечган учрашувда парижликлар ғалабани қўлга киритишди.

Учрашувнинг 36-дақиқасида Неймар ҳисобни очган бўлса, орадан тўрт дақиқа ўтар-ўтмас Анхель Ди Мария меҳмонларнинг иккинчи голини урди.

Иккита голдан сўнг ҳотиржамликка берилган амалдаги чемпионлар ўз дарвозаларидан иккита тўп олиб чиқишди. Антонена Бобишон ва Тежи Саваньеларнинг голларидан сўнг ўртадаги мувозанат тикланди.

Ўйиннинг 77-дақиқасида Килиан Мбаппе парижликларни яна олдинга олиб чиқди. Ҳакам томонидан қўшиб берилган вақтда Эдинсон Кавани ўйинга нуқта қўйган голга муаллиф бўлди. Икки жамоа ҳам ўйинни бир киши кам бўлиб тугатишди, Мбаппе ва Саванье қизил карточка олиб майдонни тарк этишди.

Шу тариқа, «ПСЖ» кетма-кет тўртинчи турда ғалабани қўлга киритди ва турнир пешқадамликни давом эттирмоқда.

Франция чемпионати, 4-тур

Ним – ПСЖ 2:4 (0:2, 2:2)

Голлар: 0:1 – 36 Неймар, 0:2 – 40 Ди Мария, 1:2 – 63 Бобишон, 2:2 – 71, пенальти Саванье, 2:3 – 77 Мбаппе, 2:4 – 90+2 Кавани.

Ним – Бернардони, Паки, Алакуш, Ландр, Бриансон, Саванье, Валль (Бозок, 87), Диалло (Бобишон, 46), Рипар, Гийом (Депре, 66), Тиуб.

ПСЖ –  Ареоля, Кимпембе, Тиаго Силва, Менье, Маркиньос, Нсоки (Керер, 67), Ди Мария (Дракслер, 83), Рабьо, Кавани, Мбаппе, Неймар (Нкунку, 90).

Огоҳлантиришлар: Диалло (3), Мбаппе (18), Неймар (51), Менье (58).

Четлатишлар: Мбаппе (90+4), Саванье (90+5).