Fransiya chempionati 4-turi “Nim” va PSJ uchrashuvi o‘z nihoyasiga yetdi. “Stad de Kostyere” o‘yingohida kechgan uchrashuvda parijliklar g‘alabani qo‘lga kiritishdi.
Uchrashuvning 36-daqiqasida Neymar hisobni ochgan bo‘lsa, oradan to‘rt daqiqa o‘tar-o‘tmas Anxel Di Mariya mehmonlarning ikkinchi golini urdi.
Ikkita goldan so‘ng hotirjamlikka berilgan amaldagi chempionlar o‘z darvozalaridan ikkita to‘p olib chiqishdi. Antonena Bobishon va Teji Savanyelarning gollaridan so‘ng o‘rtadagi muvozanat tiklandi.
O‘yinning 77-daqiqasida Kilian Mbappe parijliklarni yana oldinga olib chiqdi. Hakam tomonidan qo‘shib berilgan vaqtda Edinson Kavani o‘yinga nuqta qo‘ygan golga muallif bo‘ldi. Ikki jamoa ham o‘yinni bir kishi kam bo‘lib tugatishdi, Mbappe va Savanye qizil kartochka olib maydonni tark etishdi.
Shu tariqa, «PSJ» ketma-ket to‘rtinchi turda g‘alabani qo‘lga kiritdi va turnir peshqadamlikni davom ettirmoqda.
Fransiya chempionati, 4-tur
Nim – PSJ 2:4 (0:2, 2:2)
Gollar: 0:1 – 36 Neymar, 0:2 – 40 Di Mariya, 1:2 – 63 Bobishon, 2:2 – 71, penalti SavanYE, 2:3 – 77 Mbappe, 2:4 – 90+2 Kavani.
Nim – Bernardoni, Paki, Alakush, Landr, Brianson, SavanYE, Vall (Bozok, 87), Diallo (Bobishon, 46), Ripar, Giyom (Depre, 66), Tiub.
PSJ – Areolya, Kimpembe, Tiago Silva, MenYE, Markinyos, Nsoki (Kerer, 67), Di Mariya (Draksler, 83), Rabyo, Kavani, Mbappe, Neymar (Nkunku, 90).
Ogohlantirishlar: Diallo (3), Mbappe (18), Neymar (51), Menye (58).
Chetlatishlar: Mbappe (90+4), Savanye (90+5).
