“Манчестер Юнайтед” бош мураббийи Жозе Моуриньо Роналдуни сотиб олиш таклифи билан ҳеч ким чиқмаганини айтди.

“Менга ҳеч ким Роналдуни сотиб олишни тавсия қилмаган. Унинг трансфери умуман муҳокама қилинмаган. “Ювентус” чемпионлар лигасини қўлга киритиш учун футболчиларни ҳарид қилган.

Улар Италия чемпионатини ютиш учун маблағ сарфлашмайди. Чунки, “Ювентус” кетма-кет 6 ёки 7 марта бу совринга эга чиқиб бўлди.

Уларнинг мақсадлари чемпионлар лигасида ғолиб чиқиш. Бу клуб “Ливерпуль”дан кейин турадиган топ-жамоа.

“Кекса синьора” Криштиану, Жан ва Бонуччи каби кучли футболчиларни сотиб олди. Лекин, уларни бизга қарши мураккаб ўйин кутиб турибди”, - дейди Моуриньо.