Хорватия терма жамоаси устози Златко Далич Криштиану Роналду ҳақида айтган гаплари учун узр сўради.
“Мен шунчаки Роналдунинг УЕФА тадбирига келмагани ҳақидаги саволга жавоб бергандим. Унда баъзи худбинлик жиҳатлари борлигини ва менга бундай футболчилар ёқмаслигини айтгандим. Аммо бу гапларимни нотўғри тушунишибди. Айтган гапларимдан афсусдаман.
Энг яхши футболчини танлашда Модричга овоз бераман. Роналду эса иккинчи. Модрич энг яхши бўлишга муносиб. Чунки у жаҳон чемпионатининг энг яхши футболчиси бўлди, Чемпионлар лигаси ғолибига айланди ва жаҳон чемпионати кумуш медалларига сазовор бўлди”, деди Далич.
