ОФК расмий сайти кейинги йили январь ойида БААда бошланадиган Осиё Кубогида порлаши кутилаётган 6 нафар футболчи ҳақида мақола ёзди. Эътиборли томони шундаки, ушбу кучли олтиликка "Локомотив" ярим ҳимоячиси Икром Алибоев ҳам киритилди.
"2018 йилги Осиё ўйинларида "оқ бўрилар" таркибида анчагина яхши футболчилар кўп бўлди.
23 ёшлилар ўртасидаги қитъа чемпионатининг ғолиблари - ярим ҳимоячи Одилжон Ҳамробеков, ҳимоячи Акрамжон Комилов, плеймейкер Жавоҳир Сидиқов каби ўсиб бораётган ёшларга эътибор кучайди.
Аммо, таркибдаги Икром Алибоев жамоанинг энг яхши футболчиларидан бирига айланди. "Локомотив" ярим ҳимоячиси терманинг ҳимоясига ҳам ёрдам берганига қарамасдан, беш ўйинда рақиб дарвозасини беш марта ишғол қилган ҳолда, мусобақанинг иккинчи тўпурарига айланди.
Қайд этиш керак, Алибоев эндигина 24 ёшга кирди. У терманинг 2019 йилги Осиё ўйинларида порлаши аниқ", - деб ёзилади мақолада.
