Испания терма жамоаси ва “Реал” клуби ярим ҳимоячиси Иско “El País” нашри журналисти Диего Торреснинг саволига кескин жавоб қайтарди.
Журналист Искодан ҳимояси чуқурлашган жамоаларга қарши қандай ўйнаши ҳақида сўраган эди.
“Мен сизга жавоб бермайман. Чунки сиз менинг айтганимни эмас, ўзингиз билганни ёзасиз. Бизга эса бизни доим танқид қиладиганларнинг кераги йўқ”, дея жавоб қайтарган Иско.
Маълумот ўрнида, Иско ЖЧ-2018 вақтида Диего Торрес ёзган мақолаларнинг бирини ўзига танқид сифатида қабул қилган.
