"Челси" бош мураббийи Маурицио Сарри Европа лигаси гуруҳ босқичининг 1-турида "ПАОК" устидан қозонилган ғалабадан сўнг (1:0) жамоа ҳужумчиси Альваро Мората ҳақида саволга жавоб берди.
- Мората ўзига бўлган ишончни қайтариши учун унга нима керак?
- У ўзига келиши учун 2-3 та гол уриши керак. Мен унга бу ишончни бера олмайман. Бугун унда гол уриш учун 3-4 имконият бўлди, аммо унинг омади келмади. Умид қиламанки, унга ёрдам бераман, аммо ишонч голлар орқали келади.
Шунга қарамай, у бугун биринчи марта рақиб дарвозасига жарима майдончаси атрофида хавф солди. У доим очилди ва фаол бўлди", - дейди Сарри.
