"Ювентус"нинг собиқ бош мураббийи Марчелло Липпи ЕЧЛда "Валенсия" - "Ювентус" учрашувида (0:2) Криштиану Роналдуга кўрсатилган қизил карточкага муносабатини билдирди.
Эслатиб ўтамиз, учрашув бош ҳаками 29-дақиқада ўз ёрдамчисининг кўрсатмасидан сўнг туринликлар ҳужумчисига тўғридан-тўғри қизил карточка кўрсатган эди.
"Инсонда галлюцинация содир бўлгани учун Роналдуга қизил карточка кўрсатилди. Энди УЕФА чиқиб: "Жаноблар, биз хато қилдик" дейиши керак. Қарорни орқага қайтариб бўлмайди, чунки Роналду четлаштирилиб бўлган, ўйин тугаган, аммо дисквалификация абсурд бўлар эди.
Бундай бўлмаслиги учун чемпионлар лигасида тезроқ VAR қўллаш керак", - дейди Липпи.
