"Барселона" ҳимоячиси Пике Испания чемпионатининг 5-турида "Жирона"га қарши учрашув (2:2) танаффусида ўйин бош ҳаками билан баҳслашди.

35-дақиқада майдон эгалари ҳимоячиси Клеман Лангле рақиби Пере Понснин юзига тирсаги билан ургани учун майдондан четлатилди. Ҳакам бу қарорни видеотакрордан сўнг чиқарди.

Танаффусда Пике трибунаости биносида ҳакам Мансанони кутиб турди ва у билан суҳбатлашди.

"Кўриниб турибдику. Сиз ростан ҳам атайлаб қилинди деб ўйлайсизми? Пере Понс фол қилди, у-чи?.."

Мансано Лангленинг тирсак зарбаси ишораси билан жавоб берди.

"Эшитининг, у тирсагини ишлатди, буни билади, аммо у тирсагини тортиб олгандай бўлди. Майли... бу тарихни эслатяпти", - деди Пике.

Пике "Барселона" билан Мансано ўртасидаги муносабатлар тарихига шама қилди. У аввал Серхи Роберто, Луис Суарес ва Неймарни четлатган.