Италия чемпионатининг 7-туридан ўрин олган “Рома” – “Лацио” учрашуви ўз ниҳоясига етди. “Олимпико”ўйингоҳида бўлиб ўтган Рим дербисида “бўрилар” ғалабани қўлга киритдилар.

Ўйин меҳмонларнинг фаоллигида бошланди, бироқ “Лацио” футболчилари имкониятлардан фойдалана олмадилар. Биринчи бўлим якунига етиш арафасида Лоренцо Пеллегрини “Рома”ни олдинга олиб чиқди.

Учрашувнинг 67-дақиқасида Чиро Иммобиле мувозанатни тиклашга муваффақ бўлди, бироқ орадан кўп вақт ўтмай Александр Коларов мезбонларнинг иккинчи голини урди.

Ўйиннинг 85-дақиқасида “Рома” футболчилари стандарт вазиятдан унумли фойдаланишди: Федерико Фасио Пеллегрини томонидан узатиб берилган тўпни боши билан дарвозага аниқ йўналтирди ва ўйинга мантиқий нуқтани қўйди.

Шу тариқа, “Рома” очколарини 11 тага етказиб олган ҳолда турнир жадвалининг бешинчи поғонасига кўтарилиб олди. “Лацио” эса 12 очко билан 4-ўринда қолмоқда.

А Серия, 7-тур

Рома – Лацио 3:1 (1:0, 2:1)

Голлар: 1:0 – 45 Пеллегрини, 1:1 – 67 Иммобиле, 2:1 – 71 Коларов, 3:1 – 86 Фасио.

Рома – Ольсен, Сантон, Манолас, Фасио, Флоренци (Жезус, 83), Нзонзи, де Росси (Кристанте, 74), Эль-Шаарави, Пасторе (Пеллегрини, 37), Коларов, Жеко.

Лацио – Стракоша, Ачерби, Луис Фелипе, Марушич, Касерес, Милинкович-Савич, Лулич (Кайседо, 82), Луис Альберто (Корреа, 53), Пароло (Бадель, 54), Лейва, Иммобиле.

Огоҳлантиришлар: Ольсен (55), Жеко (62), Пеллегрини (66), Бадель (70).