Italiya chempionatining 7-turidan o‘rin olgan “Roma” – “Lasio” uchrashuvi o‘z nihoyasiga yetdi. “Olimpiko”o‘yingohida bo‘lib o‘tgan Rim derbisida “bo‘rilar” g‘alabani qo‘lga kiritdilar.

O‘yin mehmonlarning faolligida boshlandi, biroq “Lasio” futbolchilari imkoniyatlardan foydalana olmadilar. Birinchi bo‘lim yakuniga yetish arafasida Lorenso Pellegrini “Roma”ni oldinga olib chiqdi.

Uchrashuvning 67-daqiqasida Chiro Immobile muvozanatni tiklashga muvaffaq bo‘ldi, biroq oradan ko‘p vaqt o‘tmay Aleksandr Kolarov mezbonlarning ikkinchi golini urdi.

O‘yinning 85-daqiqasida “Roma” futbolchilari standart vaziyatdan unumli foydalanishdi: Federiko Fasio Pellegrini tomonidan uzatib berilgan to‘pni boshi bilan darvozaga aniq yo‘naltirdi va o‘yinga mantiqiy nuqtani qo‘ydi.

Shu tariqa, “Roma” ochkolarini 11 taga yetkazib olgan holda turnir jadvalining beshinchi pog‘onasiga ko‘tarilib oldi. “Lasio” esa 12 ochko bilan 4-o‘rinda qolmoqda.

A Seriya, 7-tur

Roma – Lasio 3:1 (1:0, 2:1)

Gollar: 1:0 – 45 Pellegrini, 1:1 – 67 Immobile, 2:1 – 71 Kolarov, 3:1 – 86 Fasio.

Roma – Olsen, Santon, Manolas, Fasio, Florensi (Jezus, 83), Nzonzi, de Rossi (Kristante, 74), El-SHaaravi, Pastore (Pellegrini, 37), Kolarov, Jeko.

Lasio – Strakosha, Acherbi, Luis Felipe, Marushich, Kaseres, Milinkovich-Savich, Lulich (Kaysedo, 82), Luis Alberto (Korrea, 53), Parolo (Badel, 54), Leyva, Immobile.

Ogohlantirishlar: Olsen (55), Jeko (62), Pellegrini (66), Badel (70).