ЎзПФЛ директори маслаҳатчиси Диёр Имомхўжаев бир неча кун аввал “Навбаҳор” клуби аъзолари билан содир бўлган можарога яна бир марта тўхталиб ўтди.

“У (Рўзим Аҳмедов) кўп нарсани биларди. Билганларини айтса, уларга яхши бўлмасди. Улар ҳам бир нарсаларни билишарди, айта олишмасди, чунки ўзлари ҳақида ҳам бошқалар билишини билишарди.

Кейин ўзаро келишиб олишди, дўст тутинишди. Ўзаро нифоқ келиб чиқмаса, яхши яшашлари мумкинлигини тушуниб етишди, зиддиятларини ҳазм қилиб юборишди. 

Бунга тўдалашиш дейилади. Ва бундай келишув ҳеч қачон яхшиликка хизмат қилмайди”, дея ёзади Имомхўжаев.

Эслатиб ўтамиз, аввалроқ “Навбаҳор” Матбуот хизмати футболчи Рўзим Аҳмедов ва мураббий Илҳом Мўминжонов ўртасидаги зиддиятга нуқта қўйилгани ва улар келишиб олишгани ҳақида мақола ёзган эди.