O‘zPFL direktori maslahatchisi Diyor Imomxo‘jayev bir necha kun avval “Navbahor” klubi a’zolari bilan sodir bo‘lgan mojaroga yana bir marta to‘xtalib o‘tdi.
“U (Ro‘zim Ahmedov) ko‘p narsani bilardi. Bilganlarini aytsa, ularga yaxshi bo‘lmasdi. Ular ham bir narsalarni bilishardi, ayta olishmasdi, chunki o‘zlari haqida ham boshqalar bilishini bilishardi.
Keyin o‘zaro kelishib olishdi, do‘st tutinishdi. O‘zaro nifoq kelib chiqmasa, yaxshi yashashlari mumkinligini tushunib yetishdi, ziddiyatlarini hazm qilib yuborishdi.
Bunga to‘dalashish deyiladi. Va bunday kelishuv hech qachon yaxshilikka xizmat qilmaydi”, deya yozadi Imomxo‘jayev.
Eslatib o‘tamiz, avvalroq “Navbahor” Matbuot xizmati futbolchi Ro‘zim Ahmedov va murabbiy Ilhom Mo‘minjonov o‘rtasidagi ziddiyatga nuqta qo‘yilgani va ular kelishib olishgani haqida maqola yozgan edi.
