"Тоттенҳэм" бош мураббийи Маурисио Почеттино ЕЧЛ гуруҳ босқичида "Барселона"га қарши ўйин олдидан қизиқ воқеани сўзлаб берди.
"Эспаньол"да ўйнаганимда, Месси ҳақида, "Барселона" академиясидаги кичик жуссали йигитча ҳақида эшитгандим. Унинг "Эспаньол"га ўтишга яқин турганини ҳам эшитгандим. Ўша мавсумда "Барселона" Фабио Капеллонинг "Ювентус"и билан Гампер кубогида ўйнаган эди. Месси ажойиб ўйин кўрсатган ва ўйиндан сўнг Капелло уни мақтаган эди. Кейин "Барселона" фикридан қайтди ва Мессини ўзида олиб қолди.
Шундай экан, Месси ўша ўйинда қатнашмаганида, "Эспаньол" юлдузи бўлар ва "Эспаньол" "Барселона"дек бўлар эди. Биз жамоадош бўлишимиз, кейин эса унинг мураббийи бўлишим мумкин эди", - дейди Почеттино.
Почеттино аввалроқ ҳеч қачон "Барселона"ни бошқармаслигини айтган эди.
