Италиянинг “Интер”клуби ҳимоячиси Милан Шкриньяр фаолиятини “Барселона”да давом эттириши мумкин.
SME нашрининг хабар беришича, Каталония клуби футболчига қизиқиб қолган. Улар жароҳат олган Умтити ўрнига Шкриньярни олиб келишмоқчи.
“Барселона” бош мураббийи Эрнесто Вальверде марказий ҳимоячи йўқлигидан ташвишланиб, “Интер” билан тезроқ музокаралар бошлаш истагида.
Шунингдек, футболчини “Манчестер Юнайтед” ҳам ўз сафига қўшиб олмоқчи. Аввалроқ,”МЮ” Шкриньяр учун 65 миллион евро таклиф қилгани ҳақида хабарлар тарқалганди.
Эслатиб ўтамиз, Шкриньяр 2017-йил “Сампдория”дан “нераззурилар” сафига келиб қўшилган.
