Суперлига 25-тури доирасидаги "Насаф" – "Қизилқум" учрашувидан сўнг мезбонлар устози Рўзиқул Бердиев қуйидагича фикр билдириб ўтди:
- Бугун яратилган қулай имкониятларнинг аксариятини голга айлантира олдик ва айнан шу сабабдан ҳам ғалабага эришдик. Ўйин бошида йигитларда бироз ҳаяжон борлиги сезилди.
Лекин кейинроқ гол киритгач ўйинимиз анча очилиб кетди. Бугун биз рақибдан кўра тезроқ ҳаракат қилиш бўйича йигитларга кўрсатма берган эдик.
Ўйинчиларимиз тўп билан ҳам, тўпсиз ҳам анча тез ўйнашди. Якунда эса ишончли ғалабага эришдик. Ушбу натижа билан мухлисларимизни табриклайман, - деди мураббий.
