"Манчестер Юнайтед"нинг собиқ ўйинчиси Рой Кин жамоа устози Жозе Моуриньонинг футболчилар билан муносабати ҳақида фикр билдирди.
"Манчестер Юнайтед"га йиғлоқилар йиғилиб қолишган. Бош мураббий ёки мураббийлардан бирини ёқтирмайдиган ўйинчилар "мен машқ қилмайман,, чунки мени хафа қилишди" деб ўйлайдилар.
Ҳамма футболчиларга ҳам бош мураббий билан ишлаш ёқавермайди, бош мураббийга эса ҳамма футболчилар ҳам ёқавермайди. Орада қандай муносабатлар бўлмасин, майдонга тушдингизми - сиз жамоанинг бир бўлаги бўласиз.
Бош мураббий билан нима учун чиқишмаганингиз мени қизиқтирмайди. Бу ҳам футболнинг бир қисми - одамлар зиддията бориши мумкин. Аммо сиз "МЮ" футболчиси экансиз, шу либосни кияр экансиз, майдонга тушиб ким биландир уришиб қолганингиз учунгина ўйин кўрсатмасангиз, Моуриньога омад тилай оламан, холос", - дейди Кин.
