Футзал бўйича Ўзбекистон миллий терма жамоаси Осиё биринчилиги саралаш турнирида иштирок этади. Шу муносабат билан пойтахтимиз Тошкент шаҳрида 8 октябрдан 16 октябрга қадар тайёргарлик йиғини ташкил этилади.
Қолаверса, терма жамоамиз 18-24 октябр кунлари Таиландда ўтказиладиган халқаро турнирда ҳам Ўзбекистон шарафини ҳимоя қилади.
Қувонарлиси, “Сўғдиёна” футзал жамоасининг уч нафар аъзоси - Илҳом Ҳамроев, Ботир Ризаев ва Шухрат Суярқулов ҳам терма жамоадан чақирув олган. Энди улар 8 октябрдан 24 окябргача Ўзбекистон футзал терма жамоаси ихтиёрида бўлишади.
Шу билан бирга “Сўғдиёна” футзалчилари - Жавоҳир Маматқулов, Ўразбой Норбоев, Шохназар Шоназаров, Элбек Тўлқинов ҳам Ўзбекистон U-20 терма жамоаси билан 8-14 октябр кунлари Осиё чемпионати саралаш босқичига тайёргарлик йиғинини ўтказишади.
"Сўғдиёна" ПФК матбуот хизмати
