Лас-Вегасда UFC жангчилари ўртасидаги чемпионлик камари учун жангда Ҳабиб Нурмагомедов ва Конор Макгрегор жанг қилди.
Нурмагомедов 4-раундда бўғиш усулини қўллагач, Конор таслим бўлганини тан олди ва доғистонлик Хабиб Нурмагомедов чемпионлик камарини сақлаб қолди.
Жанг тугагач, Хабиб Нурмагомедов рақибининг мухлислари билан саккиз бурчакли ринг ташқарисида жанжаллашиб кетди.
Жанжал авж олиб кетмаслиги учун ташкилотчилар иккала спортчини ҳам трибуна остига олиб ўтиб кетишди. Спортчилар иштирокисиз ва камарни тантанали топширишсиз ғолиб номи эълон қилинди.
Маълумот ўрнида, Хабиб Нурмагомедов 27-жангида 27-ғалабасини қўлга киритди.
