Икки вазнда собиқ жаҳон чемпиони Конор Макгрегорни мағлуб этган амалдаги чемпион Ҳабиб Нурмагомедовга жанг учун кафолатланган гонорар берилмади.
Ташкилотчилар бу вазиятни россиялик жаҳон чемпионининг жангдан кейинги муштлашувни бошлаб берганлиги билан изоҳлашди. Хабиб рефери жангни тўхтатиши билан октагонни тарк этиб, мухлислар орасида муштлашув содир этди.
UFC президенти Дейн Уайт Невада штати Атлетик комиссияси (NSAC) Хабиб Нурмагомедов учун олдиндан ваъда қилинган ва кафолатланган 2 миллион АҚШ доллари миқдоридаги гонорар чекини бермаганини маълум қилди.