Каталониянинг “Барселона” клуби бош мураббийи Эрнесто Вальверде “Валенсия”га қарши ўйин олдидан фикрларини билдириб ўтди.
“Тоттенхэм” устидан қозонилган ғалаба ҳеч нимани ўзгартирмайди. Биз режаларимизни ўзгартирмаймиз. “Валенсия”нинг майдонида қандай муҳит юзага келишидан хабардормиз.
“Валенсия” бежизга чемпионлар лигасида ўйнаётгани йўқ. Уларга қарши ўйин чемпионлар лигасидаги ўйиндан қолишмайди.
Футбол бу математика эмас, баъзида хатоларга йўл қўясан. Чемпионла лигасида “Тоттенхэм” билан ўйинда бошқача ритмда ҳаракатландик, ўша ўйинда Месси шиддат билан ўйнайди. У ҳамма ўйинларга шундай тайёрланганлигини кўряпман.
Артур бизга тўпни назорат қилишда ёрдамлашмоқда. Унинг келажакдаги ўйинларига қараймиз. Асосий таркиб қандай бўлишини ҳозир маълум қилмайман”, - дейди Вальверде.
